Contabilidade e práctica contable

Lugar de celebración: A Coruña, Sede del Colegio de Economistas
	Preinscrición: 20/12/2012-16/01/2013	Matrícula: 09/01/2013-16/01/2013	Celebración: 17/01/2013-14/02/2013
	Formación:	Áreas de formación: Contabilidade.	Acceso: Aberto. Inscrición previa.

A Coruña, 17 de xaneiro ao 14 de febreiro 2013

O obxectivo deste curso é dotar aos alumnos/as de coñecementos contables coa finalidade de ser capaces de levar a contabilidade dunha empresa.

Destinatarios

A finalidade principal é conseguir que unha persoa aínda sen posuír coñecementos contables sexa capaz de adquirir a destreza necesaria para poder levar a contabilidade dunha empresa. Por tanto, este curso diríxese a:

-        Persoas que dispoñen de moi pouco tempo, e non lles interesan cursos de longa duración.

-        Persoas activas que nos lles motivan os cursos teóricos.

-        Persoas que necesitan solucións prácticas e inmediatas.

E en xeral a:

-        Pequenos e medianos empresarios.

-        Administrativos contables.

-        Administrativos e comerciais.

-        Avogados.
Graduados sociais.

-        Xestores administrativos.

-        Economistas sen experiencia.

-        Mozos en busca de emprego.

Programa

1ª PARTE. CONTABILIDADE (O PGC)

SESIÓN 1. A Contabilidade. Introdución ao Balance.

SESIÓN 2. O PGC. Activo Inmobilizado Material. Normas de Valoración.

SESIÓN 3. Activo Inmobilizado Intangible e Financeiro. Contas Financeiras. Normas de Valoración.

SESIÓN 4. Activo Circulante. Debedores e Existencias. Normas de Valoración.

SESIÓN 5. Patrimonio Neto e Pasivo Fixo e Circulante. Normas de Valoración.

SESIÓN 6. Contas pendentes. Elaboración dun Balance.

SESIÓN 7. A técnica de rexistro diario das operacións (o método da partida dobre). Contas e subcuentas.

SESIÓN 8. Introdución á Conta de Perdas e Ganancias. Compras e Gastos. Normas de Valoración.

SESIÓN 9. Vendas e Ingresos. Normas de Valoración. Elaboración da Conta de Perdas e Ganancias.

SESIÓN 10. Gastos e Ingresos imputados ao Patrimonio Neto (grupos 8 e 9 do PGC). Libros contables obrigatorios. Normas de Valoración.

2ª PARTE. PRÁCTICA INFORMÁTICA

SESIÓN 11. Nas sesións seguintes cada alumno leva a cabo un ciclo contable completo.

SESIÓN 12. Elabora a apertura, desenvolve a contabilidade dunha empresa e executa o peche contable da mesma,  utilizando o programa informático CONTASOL.

Programa

A metodoloxía didáctica basearase en exposicións activas e demostrativas por parte do profesor, tras as cales exporá cuestións e exercicios que o alumno/a irá contestando a través do seu computador. Simultaneamente as respostas dadas ás preguntas expostas quedarán rexistradas no equipo informático do docente.

Esta metodoloxía permite así, ter un seguimento PERMANENTE e INDIVIDUALIZADO de cada alumno/a e fomenta a participación e a aprendizaxe significativa e autónoma. Este método de ensino garante a eficacia do curso xa que, instantaneamente o profesor liquida as dificultades e dúbidas que en cada alumno/a poidan xurdir. Co noso sistema de ensino programado, desde o primeiro día o alumno RAZOA os conceptos e non memoriza nada, senón que os PRACTICA.

Este curso é PRÁCTICO, ÚTIL e de APLICACIÓN INMEDIATA.

Actividades

Durante a primeira parte do curso estudaremos as diferentes contas que compoñen o Plan Xeral de Contabilidade, así como as súas normas de valoración. Durante esta parte o alumno, apoiándose nos recursos e material didáctico que lle facilitamos:

1º.RAZOA os conceptos grazas ás EXPLICACIÓNS e PREGUNTAS do profesor.

2º.ENTENDE o que aprende e lévao á PRÁCTICA.

Tras finalizar esta primeira parte, aplicaremos os novos coñecementos adquiridos a un caso real. Levaremos a contabilidade dunha empresa con documentos reais e elaboraremos un ciclo contable completo, desde a apertura ata o peche contable.  Para iso, utilizaremos a aplicación informática de Contabilidade - CONTASOL.

Profesor

Óscar Rei Igrexas

Licenciado en Economía e Licenciado en Administración e Dirección de Empresas pola Universidade de Santiago de Compostela. A súa formación completouse con diversos cursos de posgrao como, Experto Economista Forense pola Universidade de Santiago de Compostela, Técnico Superior de Comercio Exterior polo Instituto Español de Comercio Exterior (ICEX).

A súa experiencia docente abarca diferentes organismos, destacando pola súa duración, o tempo que foi profesor titular do Instituto Empresarial de Contabilidade e Economía (IECE). Aválanlle anos de experiencia docente nesta temática e máis de 200 cursos impartidos cunha duración aproximada total de 9.000 horas lectivas.

Duración

40 horas lectivas  (en xornadas de 2 horas diarias)

Data, horario e lugar de celebración
Sede do Colexio de Economistas. C/ Cabaleiros, 29-1º. A Coruña

Do 17 de xaneiro ao 13 de febreiro de 2013

Horarios:

Grupo 1: de 09 a 11 horas

Grupo 2: de 11 a 13 horas

Grupo 3: de 16 a 18 horas

Grupo 4: de 18 a 20 horas

Grupo 5: de 20 a 22 horas

Acto de presentación

Martes, 8 de xaneiro, ás 20:00 horas no salón de actos do Colexio de Economistas da Coruña

Información e inscricións

A partir do mércores, 9 de xaneiro, no Colexio de Economistas, de luns a xoves de 9 a 14  e de 16 a 19 horas, e venres de 9 a 14 horas.

Teléfono: 981154325

Fax: 981154323

Email: formacion@economistascoruna.org

FORMACIÓN BONIFICABLE A través da FUNDACIÓN TRIPARTITA

© 2019 Consello Galego de Economistas
Avda. do Burgo s/n (Campus Norte-Fac. Ciencias Económicas e Empresariais).
15782 Santiago de Compostela.
Localización: Ver ubicacións
Telf.: 981 154 325 | Fax: 981 154 323
Correo electrónico: consellogalego@economistas.org

• Aviso legal |
• Política de privacidade |
• Accesibilidade