As novas normas contables das entidades sen fins lucrativos

Lugar de celebración: A Coruña, A Coruña
	Preinscrición: 19/12/2011-12/01/2012	Matrícula: 20/12/2011-12/01/2012	Celebración: 13/01/2012-13/01/2012
	Formación:	Áreas de formación: Contabilidade, Auditoría.	Acceso: Aberto. Inscrición previa.

Hoxe en día, as entidades sen fins lucrativos, en particular, as fundacións, encadradas no que se veu a denominar “o terceiro sector” desempeñan un papel protagonista na sociedade, coadyuvando xunto á Administración Pública na consecución de fins de interese xeral. Entre outros, pódense citar os de asistencia social, cívicos, educativos, culturais, científicos, deportivos, sanitarios, de cooperación para o desenvolvemento, de defensa do medio ambiente, de promoción do voluntariado ou calquera outros de natureza análoga.

En lóxica consecuencia, estas entidades gozan dun réxime substantivo propio que a diferenza das sociedades mercantís e de determinados beneficios fiscais asociados á súa actividade. No entanto, do mesmo xeito que as sociedades, as fundacións están obrigadas con carácter xeral a cumprir con determinadas obrigacións contables, coa finalidade de que os distintos axentes que se relacionan con elas poidan coñecer, por exemplo, o patrimonio da entidade e a súa afectación aos fins de interese xeral obxecto da actividade propia, o excedente do exercicio e a súa función como autofinanciación, e para as Fundacións de competencia estatal, o Plan de actuación e o seu grao de cumprimento.

Para ese efecto, desde a entrada en vigor do Real Decreto 776/1998, de 30 de abril, polo que se aproban as normas de adaptación do Plan Xeral de Contabilidade ás entidades sen fins lucrativos, estas entidades contaron cun instrumento moi útil tanto para a súa propia xestión como para ofrecer a información requirida polos distintos axentes que se relacionan con ela: usuarios e beneficiarios, provedores, entidades de crédito, administración, etcétera.

Como consecuencia da reforma contable iniciada en España no ano 2007, estas normas foron recentemente derrogadas polo Real Decreto 1491/2011, de 24 de outubro (BOE de 24 de novembro), polo que se aproban as normas de adaptación do Plan Xeral de Contabilidade e o modelo de plan de actuación das entidades sen fins lucrativos; que será de aplicación obrigatoria para os exercicios económicos que comecen a partir do 1 de xaneiro de 2012.

Neste contexto, o curso se programa co obxectivo de difundir as principais novidades que incorpora o citado real decreto e está dirixido, fundamentalmente, a quen estean relacionados co cumprimento das obrigacións contables destas entidades. Para ese efecto, na xornada irase analizando o seu contido mediante a resolución de supostos prácticos que permitan unha mellor comprensión e achegamento a esta materia. E contaremos para iso como relator cun dos artífices da nova norma.

Relator
Juan Manuel Pérez Igrexas
Subdirector Xeral de Normalización e Técnica Contable do Instituto de Contabilidade e Auditoría de Contas (ICAC)

Duración

4 horas lectivas

Programa

1.      As novas normas de adaptación do Plan Xeral de Contabilidade ás entidades sen fins lucrativos.

-        Estrutura do Real Decreto. Parte dispositiva. A quen aplica e que se aproba.

-        O modelo contable das entidades non lucrativas.

-        Novidades incluídas no Marco Conceptual.

-        Novidades incluídas nas Normas de rexistro e valoración.

-        Novidades incluídas nas Normas de elaboración das contas anuais.

-        O Réxime de dereito transitorio. A primeira aplicación.

2.      O Plan de actuación e o destino de rendas e ingresos. Información na memoria sobre a actividade da entidade, a aplicación de elementos patrimoniais a fins propios e os gastos de administración.

3.      O Imposto sobre sociedades e as entidades sen fins lucrativos.

Data, horario e lugar de celebración
13 de xaneiro 2012, de 10:00 a 14:00 horas
Fundación Pedro Barrié da Maza. Cantón Grande, 9. A Coruña

Homologación
O curso está homologado polo REA a efectos da formación obrigatoria requirida polo Regulamento da Lei de Auditoría de Contas.

Así mesmo, as horas de formación deste curso serán computadas a efectos do cumprimento dos requisitos de formación obrigatoria establecidos no Regulamento do TAP do Colexio de Economistas da Coruña.

Matrícula

Descontos: (*)

20% membros REA

10% segunda e sucesivas matrículas

(*) Non acumulables

PRAZAS LIMITADAS. RIGOROSA ORDE DE INSCRICIÓN

© 2019 Consello Galego de Economistas
Avda. do Burgo s/n (Campus Norte-Fac. Ciencias Económicas e Empresariais).
15782 Santiago de Compostela.
Localización: Ver ubicacións
Telf.: 981 154 325 | Fax: 981 154 323
Correo electrónico: consellogalego@economistas.org

• Aviso legal |
• Política de privacidade |
• Accesibilidade