Economistas de Ourense e a Agrupación Provincial de Libreiros asinan un convenio de colaboración

Fonte: Colexio de Economistas de Ourense

22/04/2015

O Decano do Colexio de Economistas de Ourense, Guillermo Díez Igrexas, e o presidente da Agrupación provincial de Libreiros, José Manuel García Mosquera, asinaron un convenio de colaboración mediante o que un grupo de establecementos ofrecerán trato vantaxoso aos economistas integrantes do Colexio profesional na compra de libros, tanto nos prezos como no sistema de pago. O convenio terá vixencia dun ano, aínda que prorrogable por igual espazo de tempo se non mediase denuncia previa dalgunha das partes. Así mesmo, coa firma deste acordo o Colexio de Economistas e a Agrupación de Libreiros abren a porta á colaboración ou participación conxunta noutras actividades establecendo para iso novas vías ou fórmulas de levalas a cabo.