CEA BAILE DE CONFRATERNIDADE

Fonte: Colexio de Economistas de Pontevedra

01/07/2013

O pasado venres 28 de xuño, véspera do día de San Pablo, Patrón dos Economistas, celebrouse no Balneario de Mondariz a tradicional cea-baile de confraternidade. Aplicando a filosofía do Just in Time todos os asistentes chegaron con anglosaxoa puntualidade.

Primeiramente gozouse dun aperitivo nos xardíns baixo a luz crepuscular arroupados cun cálido aire estival para a continuación pasar baixo a cúpula de madeira do salón Infanta Isabel. Como aos artúricos cabaleiros esperaban mesas redondas, e aínda que non había ningún Santo Graal non faltaban as copas sobre elas.

Ao final da cea e tras unhas breves palabras do alcalde de Mondariz e do noso Decano, realizouse o esperado sorteo dos agasallos cedidos amable e xenerosamente por diversas entidades colaboradoras.

Como broche de ouro da velada tivo lugar un animado baile. Os máis marchosos ao ouvir a música saltaron á pista inmediatamente. Os menos marchosos foron contaxiándose aos poucos.

Foi unha noite fantástica.