VISITA Á CONFEDERACIÓN DE EMPRESARIOS DE OURENSE

Fonte: Colexio de Economistas de Ourense

23/01/2013

A nova Xunta de Goberno do Colexio comeza a rolda de presentacións ante organismos e institucións ourensanes achegándose o martes 22 de xaneiro de 2013 á Confederación de Empresarios de Ourense, onde os membros da Xunta que acudiron á visita foron recibidos polo seu presidente D. Francisco Rodríguez García.

Na reunión, o actual presidente da CEO manifestou a súa opinión de que é importante que institucións como a que o representa actualmente, a Universidade e os colexios de economistas manteñan relacións directas en prol do bo facer de todas elas, indicando que así llo manifestaría ao seu próximo/a sucesor/a.