Lucy Amigo Dobaño, nova Presidente do Consello Galego de Economistas

Fonte: Consello Galego de Economistas

22/12/2025

22 de decembro de 2025

A Decana Presidente do Colexio de Economistas de Pontevedra, Lucy Amigo Dobaño, foi elixida presidenta do Consello Galego de Economistas, sucedendo no cargo a Miguel Vázquez Taín, Decano da Coruña e recentemente nomeado presidente do Consello Xeral de Economistas de España.

Cunha traxectoria destacada tanto no ámbito académico como no colexial, Lucy Amigo asume esta nova responsabilidade co compromiso de reforzar o papel dos economistas galegos, promover a colaboración institucional e contribuír ao desenvolvemento económico e social de Galicia. Nas súas primeiras declaracións, expresou a súa vontade de diálogo, vocación de servizo e a importancia do coñecemento económico na toma de decisións públicas e privadas.

Xunto a ela, a vicepresidencia da nova Xunta Directiva do Consello estará composta por Carmen Sampayo (Ourense) como vicepresidenta primeira, Salustiano Veo (Lugo) como vicepresidente segundo, e José Canalejas (A Coruña) como vicepresidente terceiro.

O Consello Galego de Economistas representa a máis de 5.000 profesionais en Galicia e actúa como referente técnico nun contexto marcado pola dixitalización, os cambios normativos, os retos de sustentabilidade e a evolución do tecido empresarial.

Desde o Consello Galego de Economistas, celebramos este nomeamento como un recoñecemento á traxectoria e compromiso de nosa Presidente, e desexámoslle o maior dos éxitos nesta nova etapa institucional.

Ligazóns a medios:

La Voz de Galicia

Faro de Vigo

Atlántico Diario