A Coruña, 24 de novembro de 2014

Sen ningunha dúbida, o recoñecemento dos ingresos en tempo e forma acertadas constitúen unha tarefa non sempre sinxela. O amplo abanico de modalidades comerciais empregadas nas vendas de bens e as prestacións de servizos, esixen do profesional da contabilidade e das finanzas unha análise sosegada de todas as circunstancias precedentes, concomitantes e posteriores á facturación que analiza. 

Ademais, a Norma Internacional de Auditoria 240 incorpora unha novidade significativa: presúmese a existencia dun risco de fraude no recoñecemento dos ingresos, requiríndose que no suposto de querer rexeitar a presunción anterior, será preciso deixar documentadas as razóns susténtano. 

O importe neto da cifra de negocios constitúe unha relevante magnitude contable, fiscal, mercantil,…, que se apoia nunha contabilización acertada dos ingresos. A transferencia dos riscos e beneficios significativos inherentes á propiedade acompañada dun cambio no control e na xestión dos activos, marca o punto de inflexión para o reflexo do ingreso. 

En ocasións será mester desagregar os distintos compoñentes dunha transacción aparentemente única; noutros casos será o oposto, deberanse aglutinar operacións  supostamente distintas pero que responden a unha única compravenda. 

A valoración dos ingresos pode revestir dificultades cando a contrapartida sexa non monetaria, intercámbiense bens ou servizos. Igualmente, as operacións en divisas, as vendas con cobro aprazado, os descontos e outros incentivos,.., ou as prestacións de servizos de duración prolongada presentan unhas singularidades a estudar. 

Lembrar así mesmo que a Orde 733/2010 alterou sensiblemente os criterios de contabilización das subvencións, e tamén o ICAC evacuou consultas que afectan de cheo ao rexistro dos ingresos. En resumo, con este seminario preténdese indagar sobre a acertada contabilización dos ingresos e a interpretación atinada das múltiples cláusulas presentes actualmente nas compravendas e as prestacións de servizos,  analizando o seu impacto na Cifra de Negocios, magnitude da que se derivan importantes repercusións xurídicas posteriores.